اس وقت پورا ملک کورونا وبا کی زد میں ہے۔ اس کے پیش نظر اتراکھنڈ کے ضلع رشکیش میں پولیس کے سینیئر سپرنٹنڈنٹ کے حکم پر دکانداروں کو مقررہ وقت کے اندر کھلنے والی دکانوں پر سماجی دوری کی پیروی کرنے کا نوٹس جاری کیا گیا ہے۔ اس کے علاوہ پولیس اعلانات بھی کر رہی ہے۔
دراصل کرونا کی وبا کو دیکھتے ہوئے سینیئر سپرنٹنڈنٹ پولیس نے ضلع کے تمام پولیس انچارج کو حکم دیا ہے کہ وہ اس بات کو یقینی بنائیں کہ اس علاقے کی تمام دکانوں کے سامنے گول دائرہ بنا کر سماجی دوری کی جائے۔ اس کے لیے پولیس لاؤڈ اسپیکر سے اعلان بھی کروا رہی ہے۔ ساتھ ہی ہر جگہ بینرز لگا کر بھی خریدار اور دکاندار کو آگاہ کر رہی ہے۔
پولیس کے ذریعہ بتائے گئے چند قوانین
- جنتا کرفیو کے دوران مقررہ وقت کی حدود میں دکانیں کھلیں گی۔
- سماجی فاصلے کے لئے دکاندار دکان کے باہر گولے بنائیں گے۔
- ہر دکاندار اپنی دکان میں موجود صارفین کو سامان پہنچانے سے پہلے سینیٹائزر کی سہولت فراہم کرے گا۔
- قوانین پر عمل کرنا اور کرانا دکاندار کی ذمہ داری ہوگی۔
- دو افراد سماجی دوری کی پیروی کرانے کے لئے دکان کے باہر موجود ہوں گے۔
- قوانین پر عمل کرنے اور سماجی فاصلے بنانے کے سلسلے میں دکانوں کے باہر بینرز لگائے جائیں گے۔
اگر کوئی دکاندار مذکورہ بالا قواعد پر عمل پیرا نہیں ہوتا ہے تو اس کے خلاف ڈیزاسٹر مینجمنٹ ایکٹ IPC کی دفعہ 188/269/270 کے تحت قانونی کارروائی کی جائے گی۔
