جھارکھنڈ سکرٹریٹ میں ایسا کوئی انتظام نہیں کیا گیا تھا کہ اہلکاروں کی شناخت کے بعد ہی سکرٹریٹ کے اندر جانے کی اجازت دی جائے۔ جو سکریٹریٹ پہنچے انہیں صرف گیٹ پر سینیٹائزر دیئے گئے۔
جھارکھنڈ: سکریٹریٹ میں 27 روز بعد کام کا آغاز - ای ٹی وی بھارت
لاک ڈاؤن کے دوسرے مرحلے کے اعلان کے بعد، ایم ایچ اے کی طرف سے جاری کردہ گائڈ لائن کے بعد 20 اپریل کو جھارکھنڈ کے پروجیکٹ بھون اور نیپال ہاؤس میں واقع سکریٹریٹ میں خصوصی قوانین کے ساتھ کام شروع ہوا لیکن اس دوران کئی طرح کی خامیاں بھی نظر آئیں۔
جھارکھنڈ: 27 دنوں بعد شروع ہوا سکریٹریٹ
ای ٹی وی بھارت نے صبح 10:30 بجے، اس مسئلے کو اٹھایا۔ اس کے تقریبا ایک گھنٹے کے بعد پروجیکٹ بھون کے دونوں گیٹز پر تھرمل اسکیننگ شروع کی گئی۔
20 اپریل کو پروجیکٹ بھون اور سکریٹریٹ میں کام شروع ہوا لیکن یہ طے نہیں کیا گیا تھا کہ کس محکمے میں کتنے افسران اور کتنے ملازموں کو آنا ہے۔ اب محکمہ کے مطابق روسٹر تیار کیا جا رہا ہے اور اسی بنیاد پر ، ملازمین کل سے سکریٹریٹ تک پہنچیں گے۔