وزیر داخلہ کی طلبا سے گذارش

جھارکھنڈ کے انتخابی ریلی سے خطاب کرتے ہوئے وزیر داخلہ امت شاہ نے طلبا سے شہریت ترمیمی قانون کا مطالعہ کرنے کی گذارش کی ہے۔

شہریت ترمیمی قانون کے خلاف جاری احتجاج کے درمیان وزیر داخلہ امت شاہ نے طلباء سے گذارش کرتے ہوئے کہا کہ ’میں ملک کے طلباء اور نوجوانوں سے اپیل کرتا ہوں کہ وہ شہریت ترمیمی قانون کا مطالعہ کریں، اس قانوں سے کسی بھی شخص کی شہریت چھیننے کا سوال ہی نہیں پیدا ہوسکتا ہے کیونکہ یہ شہریت دینے والا قانون ہے۔‘

وزیر داخلہ نے مزید کہا کہ کانگریس، عام آدمی پارٹی اور ٹی ایم سی آپ کو گمراہ کررہے ہیں اور ملک کے اندر تشدد کا ماحول پیدا کررہے ہیں۔

انہوں نے کہا کہ یہ قانون غریب لوگوں کو شہریت دینے کے لیے بنایا گیا ہے۔

انہوں نے مزید کہا کہ میں کانگریس، ٹی ایم سی اور عآپ کو بھی بتانا چاہتا ہوں کہ براہ کرم وہ لوگ بھی اس پرتشدد راستے سے واپس آجائیں اس راستے سے کسی کا بھی بھلا ہونے والا نہیں ہے۔
واضح رہے کہ وزیر داخلہ امت شاہ نے یہ تمام باتیں جھارکھنڈ میں انتخابی ریلی سے خطاب کرتے ہوئے کہی ہیں۔