سڑک حادثے میں ایک خاتون ہلاک

جموں کشمیر کے ضلع رامبن میں قومی شاہراہ پر ایک کار پر کیلا موڑ کے مقام پر پتھر کھسکنے کی وجہ سے ایک خاتون موقع پر ہی ہلاک ہوگئی جبکہ ایک شخص شدید طور پر زخمی ہوگیا۔

پولیس ذرائع کے مطابق بیلونو کار زیر نمبری۔ JK02BC- 1964 سرینگر سے جموں کی طرف جارہا تھا کہ اچانک کیلاموڑ کے مقام پر پہاڑی سے پتھر کھسک کر گاڑی کے اوپر گر گیا۔

اس حادثے میں ایک خاتون سونیا تدشل (60)،مواقع پر ہی ہلاک جبکہ اس کا شوہر سریش تدشل (62) ولد موہن لعل ساکنہ جموں شدید زخمی حالت میں ضلع ہسپتال رام بن منتقل کیا گیا جہاں سے ڈاکٹروں نے انہیں گورنمنٹ میڈیکل کالج و ہسپتال جموں ریفر کر دیا

حادثہ کا خبر سنتے ہی پولیس اور رضاکاروں نے بچاؤ مہم شروع کی اور لاش کو قانونی کاروائی کرنے کے بعد آخری رسومات کے لیے وارثوں کے حوالے کر دی۔

رامبن پولیس نے معاملہ درج کر کے تحقیقات شروع کر دی ہے۔