رامبن: سڑک حادثے میں دو افراد ہلاک، دو زخمی

جموں کشمیر کے پہاڑی ضلع رامبن کی تحصیل راجگڑھ میں ایک سڑک حادثہ میں دو افراد ہلاک اور دیگر دو شدید زخمی ہو گئے ہیں۔

پولیس ذرائع کے مطابق کاستی گڑھ -راجگڑہ رابط سڑک پر ٹاٹا سومو JK19-2414 چندر کورٹ سے بھڑتند کی طرف آرہی تھی تبھی بھڑتند کے قریب بیلی موڑ مقام پر ڈرائیور نے توازن کھو دیا ، جس کے سبب گاڑی چار فٹ گہرے نالے میں جاگری، جس میں سوار ایک شخص کی موقع پر ہی موت ہوگئی۔

اس حادثے میں ڈرائیور سمت تین افراد شدید زخمی ہوئے، جنہیں مقامی لوگوں اور پولیس کی مدد سے راجگڑھ ہسپتال منتقل کیا گیا۔

وہیں راجگڑھ ہسپتال میں گاڑی ڈرائیور کی موت ہوگئی، جب کہ دیگر دو افراد شدید زخمی ہیں، جن کا علاج کیا جارہا ہے۔