رامبن سڑک حادثے میں دو افراد ہلاک

جموں و کشمیر کے ضلع رامبن کے سمبڑ علاقے میں ایک بلیرو کار حادثے کا شکار ہوگئی جس میں دو افراد کی موقع پر ہی موت ہوگئی۔

پولیس اطلاع کے مطابق گزشتہ شب بلیرو کار نمبر JK19-7840 ہڑوگ سے سمبڑ کی جانب جارہی تھی کہ رات کے قریب تین بجے مہگدھار کے مقام پر کار 600 فٹ گہری کھائی میں جاگری جس کے سبب دو افراد کی موقع پر ہی موت ہوگئی۔

اطلاع موصول ہوتے ہی مقامی لوگ اور پولیس جائے حادثہ پر پہنچ کر بچاؤ مہم شروع کی بڑی مشقت کے بعد لاشوں کو نکالا جن کی شناخت ڈرائیور منپریت سنگھ ولد بھرت سنگھ اور رندھیر سنگھ ولد پرتوی سنگھ ساکنان بھجمستہ سمبڑ تصیل و ضلع رامبن کے طور پر ہوئی۔

پوسٹ مارٹم کے بعد لاشیں وارثین کے حوالے کردی جائیں گی۔ دھرمنکنڈ پولیس نے معاملہ درج کرکے کارروائی شروع کر دی ہے۔