جموں وکشمیر کے ضلع رامبن کے بلاک گاندھری کی پنچایت ٹنگر کے لوگوں نے حدبندی کمیشن کی ڈرافٹ سفارشات Delimitation Commission Draft Reportکو رد کرتے ہوئے اس رپورٹ کے خلاف احتجاج کر کے کمیشن کے خلاف جم کر نعرہ بازی کی۔
انہوں نے کہا کہ کمیشن نے ضلع رامبن کے بلاک گاندھری کی ٹنگر پنچایت کو کاٹ کر بانہال اسمبلی حلقہ کے ساتھ جوڑ دیا ہے۔ ٹنگر کو قریب 100 کلومیٹر دور بانہال کے ساتھ بغیر کسی مقامی منتخب پنچ یا سرپنچ کی رائے لیے بغیرہی جوڑا گیا ہے۔
انہوں نے کہا اگر کمیشن نے دربارہ اگر گاندھری کی ٹنگر پنچایت کو رامبن اسمبلی حلقہ سے نہیں جوڑا تو وہ ضلع صدر مقام رامبن میں احتجاج کرنے پر مجبور ہونگے، انہوں نے کمیشن کو اس پر نظر ثانی کرنے کا پر زور مطالبہ کیا ہے۔
