رامبن میں شجر کاری کا آغاز

ریاست جموں و کشمیر میں شجر کاری کا موسم شروع ہوتے ہی بازاروں میں پیڑ پودوں کی خرید و فروخت کا سلسلہ شروع ہو گیا ہے۔

ریاست کے تمام اضلاع میں پھل دار و دیگر مختلف اقسام کے پیڑ پودوں کے اسٹال قائم کئے گئے ہیں، جن میں خاص کر سیب کے پیڑ پودوں کی خریدوفروخت عروج پر ہے۔

گزشتہ برسوں کے مقابلے میں رواں برس سیب کے پیڑوں کی قیمت میں کافی اضافہ دیکھا جارہا ہے۔سیب کے ایک پیڑ کو دو سو سے تین سو تک فروخت کیا جا رہا ہے۔

پیڑ فروخت کرنے والے تاجروں کا کہنا ہے کہ پیڑوں کی کمی اور خریداروں کی بڑھتی مانگ کی وجہ سے قیمتوں میں اضافہ ہوا ہے۔