رامبن پولیس کا مویشی اسمگلر کو گرفتار کرنے کا دعویٰ

جموں و کشمیر کے ضلع رامبن میں پولیس نے ایک مویشی اسمگلر سمیت 26 مویشیوں کو حراست میں لینے اور مال بردار ٹرک ضبط کرنے کا دعویٰ کیا ہے۔

پولیس ذرائع کے مطابق مصدقہ اطلاع پر رامبن پولیس تھانہ پولیس نے قومی شاہراہ شان پیلس کے مقام پر ناکہ لگا کر ٹرک نمبر JK03B-0924 جو جموں سے سرینگر کی طرف جارہا تھا روک کر تلاشی لی۔

دوران تلاشی مال بردار ٹرک سے 26 مویشی برآمد کیے گئے، جو وادی کشمیر کی جانب غیر قانونی طریقے سے لے جارہے تھا جس پولیس نے اسمگلر سے آزاد کرایا گیا۔

ملزم جماعت علی ولد محمد شفیع ساکنہ آر ایس پورہ جموں کے خلاف زیر علت 14/2020 زیر دفعہ 188 پی سی ایکٹ معاملہ درج کرکے اسمگلر کو گرقتار کرکے جیل بھیج دیا گیا ہے۔ اس کی کاروائی تھانہ پولیس کے ایس ایچ او سونیل شرما نے ڈپٹی ایس پی ہیڈکوارٹر رامبن اصغر ملک ایس ایس پی رامبن انیتا شرما کی نگرانی میں انجام دی۔