ترال: روزگار کے فروغ کیلئے ضرورتمندوں میں شیپ یونٹس کی تقسیم

محکمہ شیپ ہسبنڈری پلوامہ کی جانب سے دور افتادہ علاقوں میں روزگار کو فروغ دینے کے حوالے سے عوام کو تفصیلی جانکاری فراہم کی گئی، ساتھ ہی ٹرائبل سب پلان کے تحت ضرورتمند افراد میں شیپ یونٹ تقسیم کی گئیں۔

محکمہ شیپ ہسبنڈری پلوامہ کی جانب سے ترال کے آری پل تحصیل میں ایک تقریب منعقد ہوئی جس میں محکمہ نے مستحق افراد میں شیپ یونٹس تقسیم کیے۔

اس موقع پر عام لوگوں کے علاوہ ڈسٹرکٹ آفیسر ڈاکٹر محمد شفیع اور بھیڑ پروری محکمے کے دوسرے ملازمین موجود تھے۔

ملازمین نے محکمہ کی جانب سے دور افتادہ علاقوں میں روزگار کو فروغ دینے کے تعلق سے عوام کو تفصیلی جانکاری فراہم کی۔ اس موقع پر ٹرائبل سب پلان کے تحت لوگوں میں شیپ یونٹ تقسیم کی گئیں۔

انہوں نے محکمہ کی اس کاوش کی تعریف کرتے ہوئے کہا کہ ایسے اقدامات سے دور افتادہ علاقوں میں رہائش پذیر لوگوں کی مالی حالت بہتر ہوگی۔

میڈیا سے بات کرتے ہوئے ڈسٹرکٹ آفیسر محکمہ بھیڑ پروری ڈاکٹر محمد شفیع نے بتایا کہ محکمہ، روزگار کے مواقع فراہم کرنے کے لیے اس طرح کے اقدامات کر رہا ہے اور آج بھی اس کاوش کے تحت مستحق افراد میں شیپ یونٹس تقسیم کی گئیں اور یہ سلسلہ آئندہ بھی جاری رہے گا۔