Women's Day Celebrated In Doda: ڈوڈہ میں خواتین کے عالمی دن پر تقریب کا انعقاد

جموں و کشمیر کے ضلع ڈوڈہ کے کیمونٹی ہال میں عالمی یوم خواتین کے مواقع پر ایک پروگرام کا انعقاد Women's Day Celebrated In Dodaکیا گیا۔ پروگرام میں سامعین نے آج کے دور میں خواتین کے مختلف مسائل کو اجاگر کیا۔

ڈوڈہ:ملک بھر میں جاری آزادی کا امرت مہوتسو کی تقریبات کے ایک حصے کے طور پر محکمہ دیہی ترقی ڈوڈہ نے کمیونٹی ہال میں خواتین کے عالمی دن کے موقع پر ایک پروگرام کا انعقاد کیا۔

پروگرام کے دوران نائب چیئرمین ڈی ڈی سی نے خطاب کرتے ہوئے تمام خواتین کو فیصلہ سازی کے عمل میں بڑھ چڑھ کر حصہ لے کر خود کو با اختیار بنانے کا اعادہ کیا اور اپنے آپ کو صرف روزی کمانے تک محدود نہ رکھنے کی اپیل کی۔

انہوں نے کہا کہ موجودہ وقت میں خواتین معاشرے میں مختلف سرگرمیاں انجام دے رہی ہیں جو صرف مرد ہم منصبوں کے ذریعہ انجام دینے کے بارے میں خیال کیا جاتا تھا۔

اے ڈی ڈی سی ڈوڈہ نے حکومت کی جانب سے خواتین کے لیے مختلف فلاحی اقدامات کے بارے میں جانکاری دی اور سامعین کو ان سے استفادہ کی اپیل کی۔

پروگرام میں مختلف علاقوں سے تعلق رکھنے والی خواتین،جن میں خواتین پنچایتی نمائندگان، خواتین صحافی، حالیہ نیت امتحان میں نمایاں طالبہ اور مختلف شعبوں میں نمایاں کارکردگی کا مظاہرہ کرنے والی طالبہ کو محکمہ دیہی ترقی کی طرف سے مبارکباد پیش کی گئی۔