رامبن: بی جے پی اقلیتی مورچہ کا مغربی بنگال میں صدر راج نافذ کرنے کا مطالبہ

بٹوت میں بی جے پی کارکنان نے مغربی بنگال میں ہوئے بی جے پی کارکنان کی موت کے سلسلے میں احتجاجی مظاہرہ کیا اور مطالبہ کیا کہ مغربی بنگال میں صدر راج نافذ کیا جائے۔

جموں و کشمیر کے ضلع رامبن میں بی جے پی اقلیتی مورچہ کے ریاستی سیکریٹری طارق لون کی سربراہی میں بٹوت میں مغربی بنگال میں بھارتیہ جنتا پارٹی کے کارکنان کے قتل کے معاملے کو لے کر احتجاجی مظاہرہ کیا گیا۔

بی جے پی یونٹ بٹوت کے کارکنان نے احتجاج کے دوران مرکزی سرکار سے مانگ کی ہے کہ وہ فوری طور پر مغربی بنگال میں صدر راج نافذ کرے۔احتجاجیوں نے ممتا بنرجی پر الزام عائد کیا ہے کہ مغربی بنگال میں ان کے غنڈے بی جے پی کارکنان کا قتل کر رہے ہیں۔

بی جے پی اقلیتی مورچہ کے ریاستی سیکریٹری طارق لون نے ممتا بنر جی پر الزام عائد کرتے ہوئے کہا کہ وہاں کی حکومت بی جے پی کارکنان کا قتل کر رہی ہے، اس لیے ہم یہاں بٹوت میں جمع ہوکر احتجاج کر رہے ہیں اور ہمارا مطالبہ ہے کہ وہاں صدر راج نافذ کیا جائے اور ممتا بنرجی کے خلاف سخت سے سخت کارروائی کی جائے۔