قومی شاہراہ پر حادثہ

جموں - سرینگر قومی شاہراہ پر ضلع رام بن کے بانہال علاقے میں ایک سڑک حادثے میں ٹریفک پولیس اہلکار شدید طور پر زخمی ہوا۔

نمائندے کے مطابق سرینگر جموں قومی شاہراہ پر بانہال میں چملواس کے مقام پر ایک تیز ترفتار گاڑی نے ٹریفک پولیس اہلکار کو ٹکر ماری۔

ٹکر کے نتیجے میں ٹریفک پولیس اہلکار گہری کھائی میں گرنے سے شدید طور پر زخمی ہو گیا۔

زخمی اہلکار کو فوری طور سب ضلع اسپتال بانہال منتقل کر دیا گیا جہاں اسکی حالت مستحکم بتائی جا رہی ہے۔

پولیس نے اس سلسلے میں کیس درج کرکے مزید کارروائی شروع کر دی ہے۔