ضلع راجوری کے سب ڈویژن نوشہرہ کے علاقہ سریا میں پولیس و فوج کی طرف سے ایک مشترکہ تلاشی مہم شروع کی گئی تھی جس دوران ایک شخص فوج و پولیس کو دیکھ کر بھاگنے لگا۔ پولیس کے مطابق بھاگنے والے شخص نے بھاگنے کے دوران دو بیگ چھوڑ دیئے ہیں۔
پولیس اور فوج کی مشترکہ ٹیم نے جب اس بیگ کی تلاشی لی تو بیگ سے بھاری نقد رقم برآمد کی گئی۔ پولیس کے مطابق بیگ میں ایک کروڑ چوسٹھ لاکھ ستر ہزار چھ سو روپیے ملے ہے۔
راجوری: پولیس اور فوج کی مشترکہ کوشش سے بھاری رقم برآمد
ایس ایس پی راجوری شمیمہ نبی نےمیڈیا سے گفتگو کرتے ہوئے کہا کہ پولیس انکوائری کے دوران یہ معلوم ہوا ہے کہ یہ بیگ منظور احمد ولد گلزار حسین ساکن سریا کا ہے۔