رامبن: ڈیگڈول میں سڑک حادثہ، 5 افراد ہلاک، 5 لوگ زخمی

جموں و کشمیر کے ضلع رامبن کے ڈیگڈول علاقے میں ایک خوفناک سڑک حادثے میں 5 افراد ہلاک جبکہ 5 دیگر زخمی ہوئے ہیں۔

اطلاعات کے مطابق آج شام ساڈے 4 کے قریب رامبن کے ڈگڈول کے مقام پر مخالف سمیت سے آرہی گاڑی نے سومو گاڑی کو ٹکر مار دی جس کے سبب سومو گاڑی گہری کھائی میں گر گئی۔

حادثے کی اطلاع ملتے ہی پولیس موقع پر پہنچی اور رسکیو آپریشن شروع کر دیا۔ ریسکو آپریشن میں مقامی لوگ بھی شامل تھے۔

حادثے میں سومو میں سوار 5 افراد کی موقع پر ہی موت ہوئی جبکہ 5 افراد زخمی ہوئے ہیں جنہیں ضلع ہسپتال رامبن داخل کیا گیا۔

وییں، زخمی افراد میں سے دو کی حالت نازک بتائی جاتی ہے اور انہیں جموں میڈیکل کالیج و ہسپتال میں داخل کروایا گیا۔

پولیس نے معاملہ درج کرکے تحقیقات شروع کر دی ہے۔

وہیں وزیر اعظم نریندر مودی نے اس حادثے پر گہرے دکھ کا اظہار کیا،ساتھ ہی زخمیوں کے لیے جلد صحتیابی کی دعا کی ہے۔