راجوری انکاؤنٹرمیں ایک نامعلوم عسکریت پسند ہلاک

جموں و کشمیر کے ضلع راجوری کے باروٹ گاؤں کے جنگلات میں اتوار کے روزعسکریت پسندوں اور سیکورٹی فورسز کے درمیان انکاؤنٹر میں ایک نامعلوم عسکریت پسند ہلاک ہوا ہے۔

راجوری کے بروٹ نامی جنگلات میں عسکریت پسندوں اور سکیورٹی فورسز کے مابین تصادم میں فوجی اہلکار کے زخمی ہونے کے بعد پیر کے روز بھی تلاشی کارروائی جاری رہی،تاہم کہیں سے بھی عسکریت پسندوں اور سکیورٹی فورسز کے درمیان آمنا سامنا نہیں ہوا ۔

پولیس ذرائع کے مطابق بروٹ گاﺅں کے نزدیکی جنگلات میں اتوار کی صبح عسکریت پسندوں کی موجودگی کی اطلاع ملنے کے بعد فوج، سی آر پی ایف اور جموں کشمیر پولیس نے علاقے کو محاصرے میں لیا۔ پولیس نے جونہی علاقے میں تلاشی آپریشن شروع کیا تبھی وہاں موجود عسکریت پسندوں نے سکیوٹی فورسز پر فائرنگ کی ،جس کے بعد فوج و پولیس نے جوابی کارروائی کی ہے۔

دفاعی ذرائع کے مطابق ابتدائی فائرنگ کے نتیجے میں ایک فوجی اہلکار زخمی ہو گیا جس کو علاج و معالجہ کیلئے اسپتال منتقل کر دیا گیا۔وہیں ابتدائی فائرنگ کے ساتھ ہی فائرنگ کا تبادلہ رک گیا۔

ذرائع کے مطابق اتوار کی شام دیر گئے اندھیرا چھا جانے کے بعد جنگلات میں تلاشی آپریشن بند کر دیا گیا جبکہ پیر کے روز جنگلات میں تلاشی آپریشن شروع کر دیا گیا جو دن بھر جاری رہا۔

تازہ تفصیلات کے مطابق انکاونٹر میں ایک عدم شناخت عسکریت پسند ہلاک ہوا ہے۔ہلاک شدہ عسکریت پسند سےایک اے کے47 ،دو میگزین اور ایک دستی بم برآمد کی گیا ہے۔

اس سلسلے میں پی ایس منجاکوٹ میں ایف آئی آر (141/2021) اینڈر سیکشن (307/120 ) کے تحت مقدمہ درج کیا گیا ہے۔علاقے میں سرچ ااپریشن جاری ہے۔تاہم اندھرے کے سبب آپریشن کو کل تک کے لیے روک دیا گیا ہے۔