جموں وکشمیر پردیش کانگریس کمیٹی کے صدر وقار رسول وانی نے آج اپنے آبائی اسمبلی حلقہ بانہال میں ایک روزہ پارٹی کنونشن سے خطاب کیا، اس تقریب میں کثیر تعداد میں کانگریس پارٹی کے کارکنان نے شرکت کی۔
JKPCC chief Wani dares BJP to debate on development claims
اس موقع پارٹی کے کارکنان سے خطاب کرتے ہوئے پارٹی کے رہنماؤں نے بی جے پی حکومت پر سخت تنقید کی، انہوں نے کہا کہ بی جے پی کو معلوم ہے کہ جموں کشمیر میں بی جے پی کی حمایت میں کوئی نہیں ہے جس کی بناء پر جموں کشمیر میں انتخابات کو ملتوی کیا جا رہا ہے۔
تقریب سے خطاب کرتے ہوئے جموں کشمیر پردیش کانگریس کمیٹی کے نائب صدر رمن بھلہ نے کہا کہ بھارتی جنتا پارٹی کی ایسی کیا مجبوری ہے کہ پچیس لاکھ ووٹروں کو جموں کشمیر میں ووٹ ڈالنے کا حق دیا ہے۔
پردیش کانگرس کے صدر وقار رسول وانی نے اپنے خطاب میں کہا کہ بھارتی جنتا پارٹی نے جموں کشمیر کے ساتھ ساتھ پورے ملک میں افراتفری کا ماحول پیدا کیا ہے، وانی نے غلام نبی آزاد اور ان کے حامیوں کو بھی آڑے ہاتھوں لیا اور کہا کہ انہیں انتخابات میں منہ توڑ جواب دیا جائے گا۔
مزید پڑھیں:Waqar Rasool on Gulam Nabi Azad 'جموں کشمیر میں کانگریس مضبوطی کے ساتھ آگے بڑھے گی'
وقار رسول وانی نے کہا کہ افسوس اس بات کا ہے کہ جس غلام نبی آزاد کو کانگریس پارٹی نے بنا انتخابات جیتے بڑے بڑے عہدوں پر فائز کیا انہوں نے پارٹی چھوڑنے کے بعد پارٹی اور سونیا گاندھی کے خاندان کے خلاف بیان بازی کی ہے۔
