2nd Dose of Vaccination in Rajouri: پندرہ سے آٹھارہ برس کے بچوں کی دوسری ڈوز کی ویکسینیشن شروع

ملک کے ساتھ ساتھ جموں و کشمیر میں بھی 15 سے 17 برس کے بچوں کے لیے کووڈ ویکسینیشن کی دوسری ڈوز کا باضابطہ طور پر آغاز2nd Dose of Covid Vaccination Starts in Rajouri کیا گیا ہے۔ جموں وکشمیر میں 15 سے 17 سال کے 8 لاکھ 33 ہزار بچوں کو ٹیکہ دینے کے لیے 933 مراکز قائم کیے گئے ہیں۔

راجوری: ضلع ترقیاتی کمشنر راجوری ایس وکاس کنڈل DC Rajouri S.Vikas Kundal اور ڈاکٹر سلیم الرحمٰن، ڈائرکٹر ہیلتھ سروسز جموں Dr. Saleem-ur-Rehman, Director Health Services Jammu کی ہدایات کے تحت، 15 سے 18 برس کے بچوں کو کورونا کی دوسری ڈوز کی مہم ہیلتھ بلاک کنڈی میں شروع کی گئی ہے۔

قبل ازیں صحت کی ٹیموں نے 15-18 سال کی عمر کے تمام اہل آبادی کو کامیابی کے ساتھ پہلی خوراک فراہم کی تھی۔ اب 28 دن کے تجویز کردہ وقفے کے بعد دوسری خوراک کی مہم شروع کی گئی ہے۔ ویکسینیشن مہم کی براہ راست نگرانی ڈاکٹر شمیم ​​النساء، چیف میڈیکل آفیسر راجوری نے کی۔

پہلا کیمپ ہائر سیکنڈری اسکول کنڈی میں لگایا گیا جس کی نگرانی بلاک میڈیکل آفیسر کنڈی ڈاکٹر اقبال ملک اور پرنسپل ایچ ایس ایس بدھل محمد شبیر نے کی۔یہ مہم بلاک کے دیگر حصوں جیسے جمولا، پیری، بدھل وغیرہ میں بھی شروع ہوئی ہے۔

دوسری خوراک لینے کے لیے طلبہ میں زبردست جوش و خروش دیکھا گیا۔

ایک اور طالب علم نے کہا، کہ کووڈ-19کو شکست دینے کا یہی واحد طریقہ ہے۔ انہوں نے تمام طلبہ سے ویکسینیشن میں بڑھ چڑھ کر حصہ لینے کی اپیل کی۔ انہوں نے کہا کووڈ ویکسین لینے کے بعد ہی اسکول معمول کے مطابق تدریسی کام شروع کریں گے۔

اس سلسلے میں شیخ محمد ایوب لون کمیونٹی ہیلتھ آفیسر نے تعاون پر عملے کا شکریہ ادا کیا اور طلبہ کی شرکت پر ان کی تعریف بھی کی۔

انہوں نے کہا کہ "طلبہ ہماری قوم کا مستقبل ہیں۔ اس لڑائی میں ان کے جوش اور تعاون کو دیکھ کر، میں کہہ سکتا ہوں کہ کووڈ-19 کا خاتمہ قریب ہے۔ ہم مل کر کامیاب ہوں گے۔"