راجکوٹ میں غیرقانونی کال سینٹر کا پردہ فاش

ریاست گجرات میں راجکوٹ پولیس کی کرائم برانچ ٹیم نے غیر قانونی کال سنٹر کا پردہ فاش کرکے نو افراد کو گرفتار کر لیا ہے۔

گجرات میں راجکوٹ شہر کے ڈی سی بی علاقہ میں پولیس کی کرائم برانچ ٹیم نے جمعرات کو ایک غیرقانونی کال سینٹر کا پردہ فاش کرتے ہوئے ایک لڑکی سمیت نو افراد کو گرفتار کر لیا۔

پولیس نے بتایا کہ خفیہ اطلاع کی بنیاد پر الفا پلس کامپلیکس کی آٹھویں منزل پر واقع آفس پر جمعرات کی صبح چھاپہ مارا گیا، جہاں امریکی شہریوں کو دھوکہ دہی کے لیے کال سینٹر چلایا جا رہا تھا۔ اس دوران وہاں سے دس کمپیوٹر، دولیپ ٹاپ، تین وائی فائی راؤٹر، دس موبائیل فون سمیت تین لاکھ تین ہزار 600 روپے کے دیگر سامان ضبط کرکے ایک لڑکی سمیت نو افراد کو گرفتار کرلیا۔

پولیس نے معاملہ درج کرکے مزید کارروائی شروع کر دی ہے جبکہ ایک فرار ملزم کو پکڑنے کی کوشش شروع کر دی ہے۔