وینٹیلیٹر دستیاب نہ ہونے سے کورونا مریض کی موت

پونے میں وینٹیلیٹر بستر اور ایمبولینس بروقت دستیاب نہ ہونے کی وجہ سے کورونا سے متاثر مریض کی گھر میں ہی موت واقع ہوگئی۔

ریاست مہاراشٹر کے شہر پونے میں کورونا سے متاثرہ مریض کی موت گھر پر ہی اس وقت ہوگئی جب کسی بھی اسپتال میں اس کو وینٹیلیٹر بیڈ نہیں دستیاب ہوسکا۔

اور ایمبولینس کی مبینہ عدم دستیابی کی وجہ سے انہیں ٹھیلے پر قبرستان لے جایا گیا۔

گاؤں کے سرپنچ نلیش کے مطابق "اس شخص کی موت اس وجہ سے ہوئی کہ اسے کسی اسپتال میں وینٹیلیٹر بستر نہیں مل سکا۔جب اس کی طبیعت خراب ہوئی تو ہم نے ایمبولینس کو فون کیا لیکن کوئی فائدہ نہیں ہوا۔ "