پتھوراگڑھ لینڈ سلائڈ: دو لاشیں برآمد، دو لاپتہ

اتراکھنڈ کے ضلع پتھورا گڑھ میں آفت میں لاپتہ لوگوں کا کئی دنوں کے بعد بھی سراغ نہیں لگ سکا ہے۔ جمعرات کی دیر شام تک دو خواتین کی لاشیں برامد ہوئی ہیں۔ اب بھی گاوں کے دو لوگ لاپتہ ہیں۔

دوسری طرف کابینی وزیر اروند پانڈے نے آج آفت کے شکار گاوں کا دورہ کیا اور متاثرین کی حالت معلوم کی۔ انہوں نے گاوں والوں کو ہر ممکن مدد فراہم کرانے کا یقین دلایا۔ لاپتہ لوگوں کا پتہ لگانے کیلئے آج کھوجی سوان دستہ کا بھی سہارا لیا گیا۔ ساتھ ہی متاثر ہ جگہ پر جنگی پیمانہ پر راحت اور بچاو مہم چلائی گئی لیکن اب بھی دو لوگ لاپتہ بتائے جارہے ہیں۔ آج دو خواتین کی لاشیں برامد ہوئی ہیں۔ ان میں پدما دیوی بیوی خوشحالی سنگھ اور کسوما دیوی بیوی بھیشم سنگھ شامل ہیں۔ اب تک مجموعی طور پر 9 لاشیں برامد ہو چکی ہیں۔ دو لوگ اب بھی لاپتہ بتائے جارہے ہیں۔ اس سے پہلے کل تین لاشیں برآمد ہوئی تھیں۔ ان میں دو بھائی بہن کی لاشیں بھی شامل تھیں۔

خیال رہے کہ بنگاپانی تحصیل کے ٹانگا منیالی گاوں میں گزشتہ اتوار کو زبردست تودے گرے تھے جن سے تین مکانات زمین دوز ہو گئے تھے۔ ان گھروں میں سوئے گیارہ لوگ لاپتہ ہوگئے تھے۔ اسی وقت سے قومی آفت منیجمنٹ دستہ، ریاستی ڈیزاسٹر ریلیف فورس اور ہند۔تبت بارڈر پولیس اور پولیس کے علاوہ ریاستی محکمہ کی ٹیم موقع پر راحت مہ چلا رہی ہیں۔