ریاست بہار میں راشٹریہ جنتا دل کے نو منتخب ریاستی جنرل سیکریٹری وجئے یادو نے نتیش کمار پر شدید نکتہ چینی کرتے ہوئے کہا جس انتخاب میں نتیش کمار نے بی جے پی کی ناکامی اور ملک کے لیے ناسور بتا کر عوام کا ووٹ لیا اور پھر اسی کے ساتھ ہاتھ ملا کر یہ ثابت کر دیا کہ نتیش کمار کے ڈی این اے میں ہی ضرور کچھ خرابی ہے۔
وجئے یادو آر جے ڈی کے ریاستی جنرل سیکریٹری منتخب وجے یادو نے ریاستی جنرل سکریٹری بنائے جانے پر قومی صدر لالو پرساد یادو، تیجسوی یادو اور یوتھ کے ریاستی صدر قاری محمد صہیب کا شکریہ ادا کرتے ہوئے کہا کہ ان لوگوں نے مجھ پر جو اعتماد کیا ہے اسے ہر حال میں بحال رکھیں گے یہ میری پہلی ترجیح ہے۔
اس کے بعد پورے بہار میں پارٹی کو مضبوطی دینے کے لیے جلد ہی بہار کے مختلف اضلاع کا دورہ کروں گا اور عوام کے درمیان نتیش حکومت کی کارکردگی اور ناکامی پیش کر کے اس بار ہر حال میں تیجسوی یادو کی حکومت بنانے پر لوگوں کی ذہن سازی کروں گا۔
وجے یادو نے کہا کہ آج بہار کے مزدوروں کی کیا حالت ہو گئی ہے، لوگ بھوکے پیاسے مرنے پر مجبور ہیں، پیدل، سائیکل، رکشہ، ٹھیلہ، موٹرسائیکل و دیگر سواری سے لوگ مجبوراً دوسری ریاستوں سے بہار پہنچے ہیں، ایسے مزدوروں کے لیے اس حکومت نے کیا کیا ہے، سینکڑوں لوگوں مزدوروں کی جان گئیں اس کی جوابدہ کون ہے، ان کے اہل خانہ کو حکومت کی جانب سے کیا مدد ملے گی، ان سب سوالوں پر نتیش حکومت خاموش ہے۔
