تعلیم جاری رکھنے کے لئے طلبا نے بچے کو اغوا کیا

موتیہاری میں پولیس نے اغوا ہوئے ٹیچر کے بیٹے کو برآمد کر لیا ہے۔ پولیس نے اغوا کاروں کو بھی گرفتار کرلیا ہے۔

ضلع موتیہاری کے درپا پولیس اسٹیشن علاقے کے درپا گاؤں سے پیسوں کے لئے اغوا کیے گئے ایک استاذ کے بیٹے کو چوبیس گھنٹوں کے اندر برآمد کر لیا ہے۔ ساتھ ہی ایک خاتون سمیت دو اغوا کاروں کو بھی پولیس نے گرفتار کیا ہے۔ اغوا کاروں نے مغوی بچے کے اہل خانہ کو فون کیا اور دس لاکھ تاوان کا مطالبہ کیا۔

نوین چندر جھا، ایس پی

ایس پی کے مطابق ، اغوا کاروں نے رواں سال انٹر کے آخری سال کا امتحان دیا تھا۔ انھوں نے تفتیش میں کہا کہ مزید تعلیم جاری رکھنے کے لیے بچے کو اغوا کیا ہے۔ انہوں نے بتایا کہ ان لوگوں نے کشن کمار کو پھروٹی پلانے کے لیے اسے سائیکل پر بٹھایا اور سائیکل سے کشن کو اغوا کرنے کے بعد، وہ اسے موتیہاری شہر لے گئے۔ جسے ان لوگوں نے ایک مکان میں چھپا کر رکھا تھا۔ ایس پی کا مزید کہنا تھا کہ اغوا کاروں نے کشن کے والد سے 10 لاکھ تاوان طلب کیا تھا۔ لہذا، موبائل نگرانی کی بنیاد پر، کشن کو رہا کرایا گیا اور اغوا کاروں کو گرفتار کرلیا گیا۔