سارن: تین بوری دھماکہ خیز مادے برآمد، دو گرفتار

اسمبلی انتخابات کے پیش نظر سارن ضلع میں پولس سبھی تھانہ علاقے میں زبردست جانچ مہم چلارہی ہے۔

بہار میں سارن ضلع کے مشرق تھانہ علاقے سے پولس نے سنیچر کو تین بوری دھماکہ خیز مادے برآمد کرکے دو لوگوں کو گرفتار کیا۔

پولس ذرائع نے یہاں بتایا کہ اسمبلی انتخابات کے پیش نظر سارن ضلع میں پولس سبھی تھانہ علاقے میں زبردست جانچ مہم چلارہی ہے۔ اس معاملے میں مڈھوڑا کے پولس ڈپٹی سپرنٹنڈنٹ اندرجیت بیٹھا کی رہنمائی میں مشرق تھانہ کی پولس مشرق تریاموڑ کے نزدیک قومی شاہراہ نمبر 90 پر گاڑیوں کی جانچ کررہی تھی۔ اسی دوران وہاں سے گذررہے ایک موٹرسائیکل پر سوار دو لوگوں کو رکنے کا اشارہ کیا تب انہوں نے فرار ہونے کی کوشش کی۔ اس کے بعد پولس نے پیچھا کرکے انہیں پکڑ لیا۔

ذرائع نے بتایا کہ موٹرسائیکل سواردونوں لوگوں کے پاس سے تین بوری دھماکہ خیزاشیاء برآمد کی گئی ہے۔

گرفتار لوگوں کی شناخت ضلع کے مشرق تھانہ علاقے کے گوپال باڑی گاؤں کے رہنے والے منا عالم اور آصف عالم کے طور پر ہوئی ہے۔ پولس ان سے پوچھ تاچھ کررہی ہے۔