پٹنہ: ریاست بہار صدیوں سے علم کا گہوارہ رہا ہے، جسے مہاتما بدھ، مہابیر اور گرو گوبند سنگھ کا بھی صوبہ کہا جاتا ہے، اس لئے کہ ان میں سے پہلے کی کرم بھومی ہے تو باقی دونوں کی جنم بھومی، بہار 2022 میں واحد ریاست کے طور پر 110 سال مکمل کر لیا ہے۔ 1912 میں بنگال بہار سے الگ ہو کر الگ ریاست بنا تھا تب سے بہار 22 اپریل کو یوم بہار منا رہا ہے۔ اس موقع پر دارالحکومت پٹنہ کو دلہن کی طرح سجایا گیا، مختلف جگہوں پر سرکاری تقریبات منعقد کیے گئے ہیں۔ جس میں اسکولی بچوں کے ذریعہ مختلف تہذیبوں پر مبنی ثقافتی پروگرام، نکر ناٹک، غزل سرائی، ڈرامہ، قوالی، موسیقی پیش کیا گیا Bihar Diwas celebrations end۔
پٹنہ کے گاندھی میدان کے وسیع احاطہ میں وزیر اعلیٰ نتیش کمار نے یوم بہار کا آغاز کیا تھا۔ جس کا اختتام آج گورنر پھاگو چوہان کے ذریعہ کیا گیا، گورنر نے بہار کی عوام کو مبارکباد پیش کرتے ہوئے کہا کہ بہار کی سرزمین بہت متبرک اور پاک ہے، بہار آج تمام حلقوں میں ترقی کے منازل طے کر رہا ہے، اگر ملک کو مضبوط کرنا ہے تو بہار کو مضبوط کرنا ہوگا، اور اس کے لئے تمام لوگوں کو متحد ہوکر اس کے لئے آگے بڑھنا پڑے گا۔ وزیر تعلیم وجے چودھری نے کہا کہ نتیش کمار کی قیادت میں بہار دن بدن ترقی کر رہا ہے، ہر گاؤں میں پکی سڑک، بجلی اور صاف پینے کے لیے پانی پینچا دیا گیا ہے، ان میں سے کچھ باقی ہے جسے مقررہ وقت پر پورا کر لیا جائے گا۔
ثقافتی پروگرام پیش کرتیں ہوئیں خواتین
مزید پڑھیں:
ادھر شری کرشن میموریل ہال میں مشہور غزل گو محمد حسین احمد حسین، رنجنا جھا، ڈاستان گو احسن فاروقی نے اپنے فن کا مظاہرہ کیا تو وہیں گاندھی میدان کے وسیع میدان میں مشہور فلمی گلوکار کیلاش کھیر، ریکھا بھردواج اور سکھویندر سنگھ نے اپنے موسیقی سے ایسا سما باندھا جس سے لوگ جھومنے پر مجبور ہو گئے۔
