زیر جامہ میں ٹرین پر سوار رکن اسمبلی نے کہا، پیٹ خراب تھا

بہار میں بر سراقتدار جے ڈی یو کے رکن اسمبلی کی تصویر سوشل میڈیا پر تیزی سے وائرل ہو رہی ہے، جس میں وہ ٹرین کے اندر اندرگارمنٹ گھوم رہے ہیں۔ تصویر وائرل ہونے کے بعد رکن اسمبلی نے اس پر صفائی پیش کرتے ہوئے کہا کہ پیٹ خراب تھا، بیت الخلا جانا پڑا، اس لیے انڈر گارمنٹ میں تھا۔

پٹنہ: ٹرین میں سفر کرنے کے دوران اپنی حرکتوں سے سرخیوں میں آئے جے ڈی یو رکن اسمبلی نے صفائی پیش کی ہے۔ ان کی ایک تصویر سوشل میڈیا پر تیزی سے وائرل ہو رہی ہے، جس میں ٹرین کے اندر وہ کپڑے اتار کر زیر جامہ میں گھومتے نظر آ رہے ہیں۔

تصویر وائرل ہونے کے بعد رکن اسمبلی گوپال منڈل نے صفائی دی ہے۔ انہوں نے اعتراف کیا ہے کہ وہ انڈرویئر میں گھوم رہے تھے۔ انہوں نے کہا ’’ سچ میں میں انڈرویئر پہنے ہوا تھا۔ میرا پیٹ خراب تھا، ٹرین میں سوار ہونے کے کچھ دیر بعد مجھے بیت الخلاء جانا پڑا، میں جھوٹ نہیں بولتا، جو بھی بولتا ہوں سچ بولتا ہوں۔ ٹرین والی بات کا اعتراف کرنے سے مجھے کوئی پھانسی نہیں ہو جائے گی۔

دراصل بہار کے وزیراعلی نتیش کمار کی پارٹی جے ڈی یو کے رکن اسمبلی گوپال منڈل پٹنہ سے دہلی جانے والی ٹرین راجدھانی ایکسپریس (Tejas Rajdhani Express) میں یہ شرمناک حرکت کرتے ہوئے دیکھے گئے، جس کی تصویر وائرل ہوگئی۔

معلوم ہوکہ گوپال منڈل اپنے الگ انداز اور بیان بازیوں کو لے کر سرخیوں میں رہتے ہیں۔ ان پر کروڑوں روپیے کی بدعنوانی کا الزام لگ چکا ہے۔

حال ہی انہوں نے بہار کے نائب وزیراعلی تاراکیشر پرساد کو انگریزی میں آئی لو بولا تھا۔