ارریہ: شدید آتشزدگی کے سبب کئی دکانیں خاکستر

ارریہ کے میرا روڈ پرواقع اقلیتی ہاسٹل کے قریب چھ دکانیں دیرشب اچانک آتشزدگی کے سبب پوری طرح جل کرخاکستر ہوگئیں۔ دکانداروں کا کہنا ہےکہ ان کی روزی روٹی کا یہ واحد ذریعہ تھا جو پوری طرح ختم ہوگیا اور وہ سڑکوں پر آگئے۔

ریاست بہارکے ضلع ارریہ کے میرا روڈ پر واقع اقلیتی ہاسٹل کے قریب دیر شب اچانک آگ لگنے سے چھ دکانیں جل کر خاکستر ہو گئیں۔

فائر بریگیڈ عملے کو آگ پر قابو پانے میں گھنٹوں مشقت کرنی پڑی، آگ کی وجہ سے تقریبا تیس لاکھ کا نقصان ہوا ہے، حالانکہ آگ لگنے کی وجہ ابھی معلوم نہیں ہو سکی ہے۔

اطلاع کے مطابق نگر تھانہ پولیس نے جائے وقوع پر پہنچ کا حالات کا جائزہ لیا ہے۔

آگ لگنے سے دکاندار صدمہ میں ہیں، ان دکانداروں کے لیے اب سب سے بڑا مسئلہ روزی روٹی کا ہے۔

دکاندار محمد قمر الزمان کا کہنا ہے کہ' ہمارا بس یہی ایک سہارا تھا، اب بچوں کی پرورش کیسے ہوگی ہمارے لیے یہ ایک بہت بڑا مسئلہ ہے۔جو بھی جمع پونجی تھا سب اس آگ کے حوالے ہو گئی۔