آسمانی بجلی گرنے سے بہار میں 6 افراد ہلاک

بہار میں ایک بار پھر آسمانی بجلی کا قہر ٹوٹ پڑا ہے۔ تین اضلاع میں بجلی گرنے سے 6 افراد ہلاک ہو گئے ہیں۔

ضلع مشرقی چمپارن میں آسمانی بجلی کی زد میں آنے سے تین افراد کی موت ہو گئی ہے۔ بنجریا تھانہ کے اجگرواں میں ایک شخص کی موت ہوئی ہے۔ اداپور کے گٹگینوا میں ایک شخص اور پتاہی کے پرسونی کپور میں ایک خاتون کی موت ہو گئی ہے۔

اس کے علاوہ مغربی چمپارن کے نرکٹیاگنج میں بھی آسمانی بجلی گرنے سے ایک شخص کی موت ہو گئی ہے۔ یہ حادثہ ڈمراپور گاؤں کا ہے۔ متوفی کی شناخت لال بابو کے طور پر ہوئی ہے۔ متوفی بھینس چرانے گیا تھا۔

دوسری جانب ضلع شیوہر کے تریانی کے چھپرا اور مادھوپور چھاتا گاؤں میں بھی آسمانی بجلی کے گرنے سے 2 افراد جاں بحق ہو گئے۔