بہار میں چھ کورونا مثبت مریض ملے

بہار میں چھ افراد کے کورونا پازیٹیو ہونے سے کل متاثرین کی تعداد بڑھ 1326 ہوگئی ہے ۔

صحت محکمہ کے پرنسپل سکریٹری سنجے کمار نے یہاں بتایا کہ آج صبح موصول ہوئی رپورٹ میں سہرسہ ضلع میں تین اور سپول ، کھگڑیا اور بیگو سرائے میں ایک۔ ایک مریض کے کورونا وائرس سے متاثر ہونے کی تصدیق ہوئی ہے۔ متاثرین میں 11 سے 45 سال کے افراد شامل ہیں۔

مسٹر کمار نے بتایا کہ متاثرین میں سے زیادہ تر دوسری ریاستوں سے آئے ہوئے افراد ہیں جنہیں اسکریننگ کے بعد بلاک سطحی قرنطینہ مرکز میں رکھا گیا اور یہیں سے ان کا سیمپل جانچ کیلئے بھیجا گیا تھا۔ انہو ں نے بتایا کہ متاثرین کے رابطے میں آئے لوگوں کو آئیسولیٹ کر دیا گیا ہے ۔