حکومت بہار کے محکمہ اقلیتی فلاح کے جانب سے ریاستی حج ہاؤس میں سول سروس کی تیاری کے لیے چلائے جارہے کوچنگ اینڈ گائیڈنس سیل کے 23 طلباء وطالبات نے 63ویں بی پی ایس سی امتحان شرکت کی تھی۔
انٹرویو میں شامل ہوئے یہاں کے 23 طلباء وطالبات میں سے 8 نے کامیابی حاصل کی ہے۔
ان میں ایک ڈی ایس پی، تین فائنانس آفیسر اور 4 لیبر انفورسمنٹ آفیسر کا عہدہ ملا ہے۔
کامیابی حاصل کرنے والے شہباز حسین نے بتایا کہ حج ہاؤس کوچنگ اینڈ گائیڈنس سیل سول سروسز کی تیاری کے لیے بہترین مقام ہے۔
انھوں نے کہا کہ ریاستی حج ہاؤس کے کوچنگ اینڈ گائیڈینس سیل کے ذریعہ ملی تربیت نے انہیں کامیابی سے ہمکنار کرایا ہے لیکن میرا خواب یو پی ایس سی کوالیفائی کرنا ہے، ان کے والدین انہیں ڈی ایم کے عہدے پر فائض دیکھنا چاہتے شہباز نے حج ہاؤس کوچینگ اینڈ گائیڈنس سیل کو مسلمانوں کے لیے بہترین مقام بتایا ہے۔
ریاستی حج ہاؤس کے چیف ایگزیکٹیو آفیسر محمد راشد حسین نے بتایا کہ 63ویں بی پی ایس سی کے انٹرویو میں حج ہاؤس کوچنگ اینڈ گائڈنس سیل کے 23 طلبہ وطالبات میں حصہ لیا تھا ان میں 8 طلباوطالبات نے نمایاں کامیابی حاصل کی ہے۔