تیجسوی یادو کی ایک جھلک پانے کو بےقابو آر جے ڈی کارکنان

ریاست بہار کے روہتاس میں سابق وزیر انیتا دیوی کے گھر منعقد ایک تقریب میں حصہ لینے پہنچے تیجسوی یادو کو دیکھنے کے لیے کارکن بےقابو ہو گئے۔ اس دوران سماجی فاصلے کی جم کر خلاف ورزی ہوئی۔

قائد حزب اختلاف تیجشوی یادو ضلع کے وکرم گنج اور نوکھا پہنچے۔ اس دوران کارکنوں نے ان کا شاندار استقبال کیا اور ان کی کی ایک جھلک کے لیے بے قابو ہوگئے اور کورونا وبا کے اس دور میں سماجی فاصلے کا خیال تک نہیں رکھا۔ آر جے ڈی کارکنوں نے جم کر سماجی دوری کی خلاف ورزی کی۔ اگرچہ تیجسوی یادو کے ساتھ آئے سکیورٹی گارڈز نے رسی کے ذریعہ سماجی دوری بنانے کی پوری کوشش کی۔

کارکنوں کے استقبال سے کافی خوش نظر آرہے تیجسوی یادو نے کہا کہ سب کو اپنے اپنے علاقوں میں لوگوں کے درمیان جانا چاہئے اور اپنی پارٹی کی بات لوگوں کے درمیان رکھنی چاہئے۔

تیجسوی نے کہا کہ آنے والے دن بہت اہم ہیں۔ اس کے بعد تیجسوی سابق وزیر انیتا دیوی کی رہائش گاہ پر ایک تقریب میں شرکت کے لیے نوکھا پہنچے۔