آر جے ڈی کے ریاستی نائب صدر وجیندر یادو کا استعفیٰ

بہار میں رواں سال ہونے والے اسمبلی الیکشن سے قبل اہم اپوزیشن راشٹریہ جنتا دل(آر جے ڈی) کے ریاستی نائب صدر وجیندر یادو نے پارٹی سے استعفیٰ دے دیا۔

آر جے ڈی کے سابق رکن اسمبلی اوریاستی نائب صدر وجیندر یادو نے ہفتہ کو کہا کہ پارٹی میں ان کے جیسے وفادار اور محنتی سپاہی کے لئے اب جگہ نہیں رہ گئی ہے مسلسل نظرانداز کئے جانے کے باوجود وہ پارٹی کے ایک وفادار کارکن کی حیثیت سے کام کرتے رہے۔

انہوں نے کہا کہ جس پارٹی میں انہوں نے خون پسینہ لگایا اسے چھوڑتے ہوئے تکلیف ضرور ہورہی ہے لیکن اب اس کے علاوہ کوئی راستہ نہیں رہ گیا تھا۔

مسٹر یادو نے اپنے استعفیٰ سے متعلق خط ریاستی قیادت کو ارسال کردیا ہے۔

قابل ذکر ہے کہ گذشتہ منگل کو ہی آر جے ڈی کے پانچ کونسل کے ارکان پارٹی سے استعفیٰ دے کر حکمراں جماعت جنتا دل یونائٹیڈ (جے ڈی یو)میں شامل ہوگئے تھے۔