وزیراعلٰی نتیش کمار دہلی کے لیے روانہ ہورہے ہیں ان کے ہمراہ ریاست کی 10 سیاسی پارٹیوں کے رہنماؤں کا ایک وفد بھی وزیراعظم سے ملنے جارہا ہے۔ ذات پر مبنی مردم شماری کے لئے وزیراعظم سے کل ملاقات ہوگی۔
وزیراعلٰی نتیش کمار نے کہا کہ 'جس طرح لوگ بھائی بہن کی حفاظت کرتے ہیں اسی طرح پیڑوں کی بھی حفاظت کرنی چاہئے تاکہ ماحولیات کی حفاظت ہو۔ ماحولیات کی بہتری سے ہی انسانوں کی زندگی محفوظ رہے گی۔ وزیراعلٰی نے کہا کہ وہ گزشتہ 12 برسوں سے مسلسل ایسا کررہے ہیں'۔
انہوں نے کہا کہ 'ہم لوگوں نے 'جل جیون ہریالی' پروگرام کا آغاز کیا ہے۔ جس کے تحت زیادہ سے زیادہ شجرکاری کی جارہی ہے۔ ماحولیات کی حفاظت میں ہی انسانوں کی حفاظت ہے۔ نئی نسل کو بھی اس سے باخبر کرنا چاہیے'۔
وزیراعلٰی نے کہا کہ ذات پر مبنی مردم شماری کے لئے وزیراعظم سے ملنے جانا ہے کچھ لوگ چلے گئے ہیں اور باقی ہم لوگ کل دن میں 11 بجے جائیں گے کل وزیراعظم سے ملاقات کرنی ہے۔