جے ڈی یو رہنما کی بیٹی نے خود کو بتایا سی ایم امیدوار

بہار کے اخبارات میں دو پورے صفحے کے اشتہار دے کر پشپم پریا چودھری نے لوگوں سے 'پلورل' نام کے سیاسی پارٹی میں لوگوں سے شامل ہونے کی اپیل کی ہے۔ انہوں نے اس تشہیر میں خود کو پارٹی کا صدر بتایا ہے۔

بہار میں اس برس اسمبلی انتاخابات ہونے والے ہیں لیکن ابھی سے ہی انتخابی سرگرمیاں تیز ہو گئیں ہیں۔ پشپم پریا چودھری نام کی ایک لڑکی نے اعلان کیا ہے کہ وہ اس سال ہونے والے اسمبلی انتخابات میں ریاست بہار میں وزیر اعلی کے عہدے کی امیدوار ہیں۔

پشپم پریا کا ٹویٹ

پشپم پریا نے بہار کے تمام اخباروں کے پہلے صفحہ پر ایک اشتہار دی ہے، اس اشتہار میں بتایا گیا ہے کہ ان کی پارٹی 'پلورلز' مثبت سیاست اور پالیسی میکنگ کے نظریات پر مرکوز ہے۔

کون ہیں پشپم پریا

دربھنگہ کی باشندہ پشپم پریا جے ڈی یو رہنما اور سابق جے ڈی یو ایم ایل سی ونود چودھری کی بیٹی ہیں۔ انہوں نے برطانیہ کے سسیکس یونیورسٹی سے ڈیولپ منٹ اسٹڈیز میں ماسٹرس کی ڈگری حاصل کی ہے۔ پشپم پریا کے چچا اجے چودھری عرف ونے بھی جے ڈی یو میں ہیں اور وہ دربھنگہ کے ضلع صدر ہیں۔