ٹکٹ کاﺅنٹر پر پٹرول بم سے حملہ، ریل ملازم زخمی

بہار میں کشن گنج ریلوے اسٹیشن کے نزدیک کاﺅنٹر پر ایک بدمعاش نے آج پٹرول بم پھینک دیا جس سے ایک سنیئر ٹکٹ کلیکٹر ( ٹی سی ) شدید طور سے زخمی ہو گئے ۔

ریل پولیس ذرائع نے بتایا کہ ریلوے اسٹیشن کے ٹکٹ کاﺅنٹر پر آج صبح ایک شخص نے اپنے بیگ سے چار پٹرول بم نکال کر ٹکٹ کاﺅنٹر کی جانب پھینک دیا ۔

اس واقعہ میں پی آر ایس کاﺅنٹر میں بیٹھے سنیئر ٹی سی راجیش کمار جھلس گئے۔ اس دوران جب ای ۔ رکشا ڈرائیور اجمل حسین نے مذکورہ شخص کو پکڑنے کی کوشش کی تب اس نے اجمل پر چاقو سے حملہ کر دیا ۔

ذرائع نے بتایاکہ ملزم شخص کو گرفتار کرلیا گیا ہے ۔ گرفتار شخص کی شناخت پٹنہ باشندہ محمد اسحق کے طورپر کی گئی ہے ۔ زخمی ریل ملازم کو ریل اسپتال جبکہ ای ۔ رکشا ڈرائیور کو کشن گنج صدر اسپتال میں داخل کرایا گیا ۔ ابتدائی علاج کے بعد ای ۔ رکشہ ڈرائیور کو بہتر علاج کیلئے سلی گوڑی ریفر کیا گیا ہے ۔ معاملے کی تفتیش کی جارہی ہے ۔