میڈیکل کالجز میں جاری کونسلنگ پر روک

نیٹ کے ذریعے کامیاب ہوئے طلبا کے میڈیکل کالجز میں داخلے کے لیے ریاست میں جاری کونسلنگ کو پٹنہ ہائی کورٹ نے فی الحال روک دیا ہے

ریاست بہار کے دارالحکومت پٹنہ میں نیٹ کے ذریعے کامیاب طلبا کے میڈیکل کالجز میں داخلے کے لیے ریاست میں جاری کونسلنگ کو پٹنہ ہائی کورٹ نے فی الحال روک دیا ہے۔
جسٹس اے کے اوپادھیائے نے آدرش بھاردواج کی عرضی پر سماعت کرتے ہوئے یہ ہدایت دی ہے۔

اس کے ساتھ ہی عدالت نے میڈیکل کونسل آف انڈیا اوربہار مشترکہ داخلہ امتحان بورڈ کو آئندہ 21 اگست تک جواب دینے کی ہدایت دی ہے۔
عرضی گزار کے ذریعےعدالت میں یہ کہا گیا کہ اس سے پہلے کی کونسلنگ میں 11 اگست کو مگدھ میڈیکل کالج گیا میں انتخاب ہوا تھا۔ اس کے بعد اس کونسلنگ کو رد کرکے دوبارہ کونسلنگ کے لیے 16 اگست کو اسے بلایا گیا۔

میڈیکل کالجوں میں چل رہی کونسلنگ کو پٹنہ ہائی کورٹ نے روک دیا

لیکن ایم سی آئی کے ذریعے نیا نوٹیفکیشن جاری کر دیا گیا جس میں کہا گیا ہے کہ روسٹرکے مطابق عرضی گزار کا داخلہ کونسلنگ کے بعد ویٹرینری کالج میں ہی ہوسکتا ہے۔

عرضی گزارنے عدالت کو بتایا کہ ایم سی آئی کا نوٹیفکیشن فوری نافذ نہیں کیا جا سکتا ہے۔ اس معاملے پر اگلی سماعت اکیس اگست کو ہو گی۔