ریاست بہار میں دار الحکومت پٹنہ کے مال سلامی تھانہ علاقہ میں پیر کو بدمعاشوں نے دال تاجر کو گولی مار کر 11 لاکھ روپے لوٹ لئے۔
پولیس ذرائع نے بتایاکہ منصور گنج محلہ کے باشندہ دال تاجر ایویناش گپتا عرف سونو موٹر سائیکل سے بینک میں روپیہ جمع کرنے کیلئے جارہے تھے تبھی معروف گنج منڈی میں موٹر سائیکل سوار بدمعاشوں نے اسلحہ کا خوف دکھا کر انہیں روک لیا اور لوٹ پاٹ کی کوشش کی۔ مخالفت کرنے پر بدمعاشوں نے تاجر کو گولی مار کر زخمی کر دیا اور اس کے پاس تھیلے میں رکھے 11 لاکھ روپے لوٹ کر فرار ہو گئے۔
ذرائع نے بتایاکہ زخمی تاجر کو ایک مقامی نجی اسپتال میں داخل کرایا گیا ہے۔ اس سلسلے میں پولیس نے ایف آئی آر درج کرکے لوٹ کے واقعے میں ملوث بدمعاشوں کی گرفتاری کیلئے چھاپے ماری کر رہی ہے۔