بہار اسمبلی کی صد سالہ تقریب

بہار کی اسمبلی کے لیے آج کا دن خاص ہے۔ 7 فروری 1921 کو وجود میں آئی بہار اسمبلی نے آج اپنی کامیابی کے 100 برس مکمل کر لیے ہیں۔ اس موقع پر اسمبلی کے صد سالہ جشن کا اہتمام کیا گیا۔ صد سالہ تقریب کا افتتاح وزیراعلٰی نتیش کمار نے کیا۔

بہار اسمبلی کے مرکزی ہال میں دونوں ایوانوں کے سابقہ اور موجودہ اراکین نے اس تاریخی تقریب میں شرکت کی۔ اس موقع پر اسمبلی کے نومنتخب اراکین کے لیے ایک گھنٹے کی خصوصی نشست کا اہتمام کیا گیا تھا۔ جس میں تمام اراکین سے اسمبلی اجلاس سے متعلق امور پر تفصیلی تبادلہ خیال کیا گیا۔

اس موقع پر وزیراعلٰی نتیش کمار سمیت سابقہ تمام سینئر رہنماؤں نے اسمبلی کی زریں تاریخ پر روشنی ڈالی۔ اسمبلی کی موجودہ عمارت میں 7 فروری 1921 کو پہلا اجلاس منعقد کیا گیا تھا۔

اس وقت وہ بہار - اوڈیسہ قانون ساز کونسل کہلاتی تھی۔ اس عمارت کی تعمیر اے ایم وڈ نے رومن ایمفی تھیٹر کے طرز پر کیا تھا۔ اسمبلی کی پہلی نشست سے گورنر لارڈ ستیندر پرسن سنہا نے خطاب کیا تھا۔ اس وقت اس کے اسپیکر والٹر ماڈ تھے۔

اس تقریب سے خطاب کرتے ہوئے سابق اسپیکر اور آر جے ڈی کے موجودہ ایم ایل اے اودھ بہاری چودھری نے کہا کہ' اجلاس کے دوران اراکین کے ذریعہ لائے گئے سوالات کے جوابات ملنے چاہیے وزیراعلٰی نتیش کمار کی ذمہ داری ہے کہ وہ اس کا خیال رکھیں۔