بہار اسمبلی میں سیشن کے آخری دن اپوزیشن کا ہنگامہ

بہاراسمبلی کے سرمائی سیشن کے آخری دن آج بھی اپوزیشن کا ہنگامہ جاری رہا جس کی وجہ سے وقفہ سوالات نہیں ہو سکا۔

اسمبلی کی کاروائی شروع ہوتے ہی راشٹریہ جنتادل (آر جے ڈی) سمیت اپوزیشن کے سبھی اراکین نے بے روزگاری کے مسئلے پر ہنگامہ شروع کیا۔ اسمبلی اسپیکر وجے کمار چودھری نے وقفہ سوالات شروع کیا اور آرجے ڈی کے شکتی سنگھ یادو کے پوچھے گئے مختصر سولات کا خوراک وصارفین امور کے وزیر مدن سہنی جواب بھی دینے لگے لیکن آرجے ڈی سمیت اپوزیشن اراکین کے شوروغل کی وجہ سے ان کے جواب کو ٹھیک سے نہیں سنا جاسکا۔

اس پر اسمبلی اسپیکر مسٹر چودھری نے کہا کہ آرجے ڈی کے اراکین ایک جانب سوال پوچھ رہے ہیں تو دوسری جانب ان کی ہی جماعت کے اراکین ہنگامہ آرائی کر رہے ہیں۔ چودھری نے ہنگامہ کر رہے اپوزیشن اراکین سے خاموش رہنے اور وقفہ سوالات چلنے دینے کی درخواست کی لیکن اپوزیشن اراکین نہیں مانے اور شورو غل کرتے ہوئے ایوان کے بیچ میں آگئے جس کے بعد اسمبلی اسپیکر مسٹر چودھری نے ایوان کی کاروائی کو دو بجے دن تک کیلئے ملتوی کردی۔