نتیش کمار کی صدارت میں سنیچر کو ایک، انے مارگ میں واقع سنکلپ میں محکمہ صحت کی جائزہ میٹنگ ہوئی۔اس دوران وزیر اعلی نے کورونا ٹیسٹ کی تعداد میں مزید اضافہ کرنے اور اسے یومیہ دو لاکھ تک لے جانے کی ہدایت دی۔
انہوں نے کہا کہ لوگ ماسک کا استعمال ضرور کریں۔ یہ کورونا انفیکشن سے بچاو کے ساتھ ساتھ دیگر وائرل بیماریوں سے بچاو میں بھی مفید ہے۔ مائک کے ذریعہ تشہیر و نشریات سے لوگوں کو ہوشیار اور بیدار کرتے رہیں۔
وزیر اعلی نے کہا کہ خاص طورپر ممبئی، کیرالہ اور تمل ناڈو سے آنے والے لوگوں کی کورونا جانچ ضرور کرائیں۔ ریلوے اسٹیشن اور بس اسٹینڈ پر باہر سے آنے والوں پر خصوصی نظر رکھیں۔ان مقامات پر کورونا ٹیسٹ کی سہولت رکھیں۔