لال قلعہ سانحہ کی جتنی مذمت کی جائے کم ہے: نتیش

وزیراعلٰی نتیش کمار نے کہا کہ اگر 10 فیصد نوجوان گاندھی کے نظریات کی پیروی کرنے لگے تو سماج سے برائی ختم ہو جائے گی۔

مہاتما گاندھی کے یوم شہادت کے موقع پر دارالحکومت پٹنہ کے گاندھی گھاٹ پر باپو کو ریاست کے گورنر اور وزیراعلٰی نتیش کمار نے گل پوشی کر خراج عقیدت پیش کی۔ اس موقعے پر انہوں نے لال قعلہ میں پیش آئے واقعہ کو قابل مذمت قرار دیا۔

اس موقع پر وزیراعلٰی نتیش کمار نے کہا کہ پورے ملک کو مہاتا گاندھی کو یاد رکھنا چاہیے۔ انہوں نے ملک کو آزادی دلائی۔ ملک کی ترقی کے لیے انہوں نے جو باتیں کہیں ہیں اس کی پیروی کرنی چاہیے۔ ہم لوگ باپو کے نظریات پر عمل کرتے ہوئے بہار میں بہت سے کام کر رہے ہیں۔ انہوں نے کہا کہ اگر ملک کے 10 سے 15 فیصد نوجوان ان کے نظر یات کی پیروی کرنے لگے تو سماج میں بہت تبدیلی آ جائے گی۔لال قلعہ تشدد اور پرچم کشائی کے متعلق انہوں نے کہا کہ اس کی جتنی بھی مذمت کی جائے کم ہے۔