بہار کے نوادہ میں ایک انتخابی ریلی سے خطاب کے دوران راہل گاندھی نے وزیر اعظم نریندر مودی کو کئی معاملات پر تنقید کی، ان میں حال ہی میں نافذ کیے گئے تین زرعی قوانین، جی ایس ٹی، لاک ڈاؤن کے دوران مہاجر مزدوں کی نقل مکانی اور مشرقی لداخ میں جاری حالیہ تنازع شامل ہے۔
راہل اور آر جے ڈی رہنما تیجسوی یادو نے ریلی کے دوران بہار میں بے روزگاری کا مسئلہ اٹھایا۔ اپنی تقریر کے آغاز میں انہوں نے لوگوں سے پوچھاکہ 'آپ کو نتیش جی کی حکومت کیسی لگی؟ مودی جی کے خطاب کیسے لگے؟'
کانگریس رہنما نے کہا 'مودی جی نے کہا ہے کہ بہار کے ہمارے جو جوان شہید ہوئے، ان کے سامنے وزیر اعظم اپنا سر جھکا رہے ہیں۔۔ پورا ملک بہار کے شہیدوں کے سامنے جھکتا ہے'۔
انہوں نے کہا 'لیکن سوال یہ ہے کہ جب بہار کے جوان شہید ہوئے، اس دن بھارت کے وزیر اعظم نے کیا کیا اور کیا کہا؟ انہوں نے کہا کہ وزیر اعظم نے کہا تھا کہ ہماری سرزمین پر کوئی چینی فوجی نہیں ہے۔'
مزید پڑھیں:دفعہ 370 اور زرعی قوانین پر پیچھے نہیں ہٹے گی حکومت: مودی
راہل نے عوام سے سوال کیا کہ نتیش سرکار کیسی لگی، وزیر اعظم کی تقریریں کیسی ہے۔ راہل نے کہا کہ پورا ملک شہدائے بہار کے سامنے سر جھکاتا ہے، لیکن سوال سر جھکانے کا نہیں ہے۔ جب بہار کے جوان سپاہی شہید ہوگئے تھے، اس دن بھارت کے وزیر اعظم نے کیا کیا اور کیا کہا؟
میں لداخ گیا ہوں۔ لداخ میں بھارت کی سرحد ہے جہاں بہار، یوپی اور دیگر ریاستوں کے جوانوں خون بھارت کی سرزمین کی حفاظت کرتے ہیں۔ لداخ میں ایسی بہت سی پوسٹ ہے جہاں تک پہنچنے کے لیے جوانوں طویل سفر کرنا پڑتا ہے۔
انہوں نے کہا کہ چینی فوج بھارت کے اندر ہے۔ جب چین ہماری سرزمین پر آیا تو ہمارے وزیر اعظم نے فوج کی توہین کیوں کی، یہ کہتے ہوئے کہ کوئی بھی ہماری سرحد کے اندر نہیں آیا ہے۔ آپ بھارت میں بیٹھے چینی فوجیوں کو کب نکالیں گے؟
راہل گاندھی نے کہا کہ انہوں نے گذشتہ انتخاب میں دو کروڑ روزگار دینے کا وعدہ کیا تھا، کسی کو روزگا ملا؟
اس سے قبل راہل نے ٹویٹر پر کہا کہ' آپ کے دعوں میں بہار کی زمین گلابی ہے، لیکن یہ اعدادوشمار جھوٹ پر مبنی ہے، یہ دعوی کتابی ہے۔ چاہے کورونا ہو یا بے روزگاری، پورا ملک جھوٹے اعداد و شمار سے پریشان ہے۔ میں آج بہار میں آپ کے درمیان ہوں۔ آئیں اس جھوٹ اور نقصان سے چھٹکارا حاصل کریں'۔
اس موقعے پر عظیم اتحاد کی جانب سے وزیر اعلی کے امیدوار اور آر جے ڈی کے سینئیر رہن،ا تیجسوی یادو بھی موجود تھے۔
خیال رہے کہ بہار اسمبلی انتخابات 2020 کی تاریخوں کا اعلان ہوچکا ہے۔ تین مرحلے میں انتخابات ہوں گے، پہلے مرحلے میں 71 سیٹوں پر 28 اکتوبر کو ووٹنگ ہوگی، جبکہ دوسرے مرحلے میں 91 سیٹوں کے لیے 3 نومبر کو ووٹنگ ہوگی اور تیسرے مرحلے میں 78 سیٹوں کے لیے 7 نومبر کو ووٹنگ ہوگی ہے اور 10 نومبر کو نتائج کا اعلان ہوگا۔
