ریاست بہار کے سمستی پور میں گزشتہ ماہ پیش آئے ماب لنچنگ کے واقعے کی مذمت کرتے ہوئے رکن اسمبلی اختر الایمان نے متاثرین کو انصاف دلانے کی اپیل کی۔
سمستی پور ماب لنچنگ کا معاملہ بہار اسمبلی میں گونجا
واضح رہے کہ 21 جون کو بہار کے سمستی پور کے آدھاپور گاؤں میں ایک مسلم خاتون کو کئی وحشیوں نے درندگی کا شکار بناکر اسے بے دردی سے قتل کردیا تھا۔ اس کے علاوہ ان کی دو صاحبزادیوں کو شدید زد وکوب کیا گیا، تاہم وہ بال بال بچ گئیں۔
واضح رہے کہ جون کی 21 تاریخ کو آدھا پور کے سرون رائے کا قتل ہوا اس کے الزام میں صنوبر خاتون اور انور کو شرپسند عناصر نے بڑی بے دردی سے اذیت ناک موت دی، اتنا ہی نہیں ان کے گھر کو بھی جلاکر خاک کردیا گیا۔