مہاگٹھبندھن میں سیٹ تقسیم کے اعلان کے ساتھ ہی آر جے ڈی کے پہلے مرحلے میں ووٹنگ کے لیے اپنے امیدواروں کی فہرست آج جاری کرنے کا امکان ہے۔ پہلے مرحلے میں 71 سیٹوں پر انتخاب ہونا ہے ان میں سے 8 سیٹیں مالے اور 23 سیٹ کانگریس اور باقی کے 39 سیٹوں پر آر جے ڈی کے امیدوار انتخاب میں حصہ لیں گے۔
سی پی آئی مالے اگیاں ، تراری ، ڈمراؤ ، کاراکاٹ ، ارول ، گھوسی ، پالی گنج ، آرا اور بلرام پور میں اپنے امیدوار کھڑا کر رہی ہے۔ واضح رہے کہ پہلے مرحلے کے لیے جن 71 نشستوں کے لیے انتخابات ہو رہے ہیں ان میں سے 2015 کے اسمبلی انتخابات میں سب سے زیادہ 25 نشستوں پر آر جے ڈی نے کامیابی حاصل کی تھی جبکہ کانگریس نے 8 نششتوں پر جیت حاصل کی تھی۔
معلومات کے مطابق آر جے ڈی کے امیدوار جگدیش پور ، شاہ پور ، رام پور ، رام گڑھ ، بھبھوا ، دینارا ، نوکھا ، دہہری ، جہان آباد ، امام گنج ، بودھ گیا ، بیلا گنج ، اتری ، مسوڈھی ، سندیش ، بڑہرا ، منگیر ، بیلہر ، بانکا ، سلطان گنج ، کٹوریا ، لکھیسرائے ، باڑھ ، نوادہ ، گووند پور، جموئی ، جھاجھا ، اوبرا ، گوہ ، ٹیکاری ، مکھدوم پور ، سوریہ گڑھا ، دھورائیہ ، راجولی ، گروہ ، شیرگھاٹی ، باراچٹی ، موکاما اور چکائی کے سے لڑنے کی امید ہے۔
اسی کے ساتھ اگر ہم کانگریس کے بارے میں بات کریں تو پارٹی بکسر ، رفی گنج ، سکندرا ، موہنیا ، چین پور ، چناری ، ساسارام ، کرتھا ، وکرم ، کہلگاؤں ، بربیگھا ، اورنگ آباد ، کٹومبا ، گیا ٹاؤن ، وزیر گنج ، جمال پور ، ہسوعہ ، وارسلی گنج ، امر پور ، شیخ پورہ ، کارگہار ، تارا پور اور نبی نگر سیٹوں پر اپنے امیدوار کھڑے کر سکتی ہے۔ تاہم ، سیٹوں پر حتمی مہر ابھی نہیں لگی ہے۔
واضح رہے کہ آج کانگریس کی الیکشن کمیٹی کا اجلاس ہونے جا رہا ہے۔ کانگریس کے اس اجلاس کے بعد دیر رات مہاگٹھ بندھن اپنے پہلے مرحلے کے امیدواروں کے ناموں کی فہرست جاری کر سکتی ہے۔
