اسمبلی انتخابات کا نوٹیفکیشن جاری ہوتے ہی ڈی ایم و ڈسٹرکٹ الیکشن آفیسر نویدیپ شکلا نے پریس کانفرنس منعقد کر بتایا کہ الیکشن کمیشن کے اعلان ہوتے ہی ضلع میں ضابطہ اخلاق نافذ ہوگیا ہے۔ ماڈل انتخابی ضابطہ اخلاق کی خلاف ورزی کرنے والوں کے ساتھ انتظامیہ سختی سے نمٹے گی۔ انہوں نے بتایا کہ ضلع مدھے پورہ میں اسمبلی کے انتخابات تیسرے مرحلے میں ہوں گے۔ جس کے سلسلے میں 13 اکتوبر کو نوٹیفکیشن جاری کیا جائے گا، اس کے ساتھ ہی کاغذات نامزدگی کو بھرنے کی آخری تاریخ 20 اکتوبر مقرر کی گئی ہے۔ 21 اکتوبر کو جانچ پڑتال اور امیدواروں کے کاغذات نامزدگی واپس لینے کی آخری تاریخ 23 اکتوبر مقرر کی گئی ہے۔
7 نومبر کو ضلع کی چاروں اسمبلیوں میں پولنگ ہوگی اور 10 نومبر کو ووٹوں کی گنتی ہوگی۔ وہیں ایس پی یوگیندر کمار نے کہا کہ انتخابات کے پیش نظر، ہیڈ کوارٹر سے اضافی پولیس فورس اور دیگر فورسز کا مطالبہ کیا گیا ہے۔ انہوں نے کہا کہ پرامن اور خوف سے پاک ماحول میں دیارہ حلقہ میں انتخابات کے لیے ایک الگ حکمت عملی تیار کی گئی ہے، تمام پولیس افسران کو ایک خصوصی ٹاسک دیا گیا ہے کہ وہ انتخابات کو پر امن ماحول میں کرائیں۔
نوٹیفکیشن جاری کرنے کی تاریخ : 13/10/2020
کاغذات نامزدگی جمع کروانے کی آخری تاریخ : 20/10/2020
جانچ پڑتال کی تاریخ : 21/10/2020
نام واپسی کی تاریخ : 23/10/2020
ووٹنگ کی تاریخ : 7 نومبر 2020
گنتی کی تاریخ : 10نومبر 2020
مدھے پورہ کے متوقع آبادی اور ووٹرز
عالم نگر : مرد ووٹرز - 380625 ، خواتین ووٹرز - 368381 ، کل ووٹرز - 749005
بہاری گنج : مرد ووٹرز- 355411 ، خواتین ووٹر- 343980 ، کل - 699391
سنہیشور (ایس سی) : مرد ووٹرز - 355372 ، خواتین ووٹرز - 343945 ، کل ووٹرز - 699317
مدھے پورہ: مرد ووٹرز - 366032 ، خواتین ووٹرز - 354270 ، کل ووٹرز - 720302
چار اسمبلی کے کل مرد ووٹرز: 1457439 کل خواتین ووٹرز: 1410576
تاریخ کے مطابق انتخاب کنندہ