کنہیا کمار کا قافلہ سکندرا کانگریس کے ایم ایل اے بنٹی چودھری کے ہمراہ تھا۔
ریاست بہار کے ضلع جموئی میں کل جن گن من یاترا کے تحت کنہیا کمار کا ایک بہت بڑا اجتماع جموئی کے شری کرشنا سنگھ میموریل اسٹیڈیم میں ہوا تھا۔
کنہیا کمار کا قافلہ جموئی احاطے میں آرام کرنے کے بعد آج جموئی سکندرا روڈ پر شہر کے مہیسوڑی چوک سے پار ہوا۔ سڑک پر پہنچتے ہی ایک نوجوان نے قافلے پر کالی سیاہی (موبل) پھینک دی۔
قافلے کے ساتھ چل رہی پولیس اسکاٹ گاڑی پر بھی سیاہی کی چھینٹیں پڑیں۔ پولیس نے نوجوانوں کو پکڑنے کی کوشش کی لیکن وہ فرار ہونے میں کامیاب رہے
کنہیا کے قافلے میں شریک کانگریس کے رکن اسمبلی بنٹی چودھری نے کہا کہ 'بھارتیہ جنتا پارٹی یا اے بی وی پی کے یوتھ فرنٹ کنہیا کے اجلاس میں امڈتی ہوئی بھیڑ کو دیکھ کر دکھی ہورہے ہیں، اس جن سیلاب کو دیکھ کر وہ اس طرح کی گھٹیا حرکت کرنے پر آمادہ ہو رہے ہیں۔'