کیمور: لاوارث لاش برآمد

ہلاک شدہ خاتون لال دوپٹہ اور لال سوٹ پہنے ہوئے ہے۔ خبر ارسال کیے جانے تک لاش کی شناخت نہیں کی جا سکی تھی۔

ریاست بہار کے ضلع کیمور سے ان دنوں جرائم کے واقعات میں اضافہ دیکھنے کو مل رہا ہے۔ حال کے دو دونو میں قتل کے کئی معاملے سامنے آ چکے ہیں۔ پولیس معاملے کی تفتیش کر رہی ہے۔

وہیں ایک تازہ معاملہ کدرا بلاک سے ہی سامنے آیا ہے۔ تھانہ علاقہ کے نسیج ریلوے گمتی کے پاس سے پولیس نے ایک نامعلوم عورت کی لاش برآمد کی ہے۔ لاش برآمد ہونے کے ساتھ ہی سنسنی پھیل گئی ہے۔ نامعلوم عورت کی لاش کو پولیس نے قبضہ میں کر بھبھوا پوسٹ مارٹم کے لیے بھیج دیا۔ جانکاری کے مطابق اس لاوارث عورت کی لاش کی ٹخنے کے نیچے دونو پیروں پر پلاسٹر کیا ہوا ہے۔

عورت لال دوپٹہ اور لال سوٹ پہنے ہوئے ہے۔ خبر ارسال کیے جانے تک لاش کی شناخت نہیں کی جا سکی تھی۔ ایسا لگ رہا تھا کی شاید اس کا قتل کہیں اور کر کے لاش کو یہاں لاکر پھینک دیا گیا ہے۔