ریاست بہار کے ضلع کیمور میں کورونا وائرس انفیکشن کو روکنے کے لئے مکمل احتیاط برتا جا رہا ہے، اسی سلسلے میں ڈسٹرکٹ مجسٹریٹ نے ضلع کے انتظامی عہدیداروں سے ایک میٹنگ طلب کی۔
اطلاع کے مطابق میٹنگ میں ڈی ایم نے کہا کہ' اگر کسی بھی متاثرہ شخص کے تعلق سےکوئی اطلاع موصول ہوتی ہے تو اس کی اطلاع سول سرجن کے ذریعہ ایس پی کو دی جانی چاہئے اور متاثرہ شخص کو فوری طور پر قرنطینہ مرکز بھیجنا چاہئے۔
ڈی ایم نے کہا کہ' تھانہ علاقے کے ایس ایچ او کی ذمہ داری ہوگی کہ وہ قرنطینہ میں رکھے گئے شخص سے رابطہ کریں۔ مزید یہ بھی پتہ لگائیں کہ اس شخص کی رپورٹ مثبت آنے کی صورت میں ایسے افراد کو قرنطینہ مرکز لایا جاسکتا ہے اور جانچ پڑتال کی جاسکتی ہے؟
ڈی ایم نے مزید یہ بھی کہا کہ مثبت آنے والے مریضوں کو قرنطینہ مرکز سے الگ منتقل کیا جائے ساتھ ہی ڈی ایم نے عہدیداروں سے تمام نکات پر تبادلہ خیال کیا۔
اجلاس میں اے ڈی ایم سمن کمار، ایس پی دلنواز احمد، ڈی ڈی سی کے پی گپتا، ڈی آر ڈی اے ڈائریکٹر اجے کمار تیواری، ڈسٹرکٹ لینڈ ایکوزیشن آفیسر کمار ونود، سینئر ڈپٹی کلکٹر امریش کمار امر، ڈی ایس او پربھاش جھا، ایس ڈی ایم بھبھوہ جنمیجے شکلا اور دیگر عہدیدار شریک تھے۔