ایک ایسا گاٶں جہاں ایک بھی سرکاری اسکول نہیں

ریاست بہار کے ضلع کیمور میں ایک ایسا بھی گاٶں آباد ہے جہاں آزادی کے لمبے وقفے کے بعد بھی گاؤں میں کوئی سرکاری اسکول نہیں ہے۔ ضلعی محکمہ تعلیم کی جانب سے بھی اب تک اس گاٶں کو تعلیم سے جوڑنے کی کوشش نہیں کی گئی۔ ضلع کے پہاڑی پر آباد دیآواں گاؤں میں 'سرو شکچھا ابھیان' کا نعرہ سب پڑھیں سب بڑھیں، بالکل ناکام دکھاٸی پڑ رہا ہے۔

کیمور ضلع کے ادھورا بلاک کے تحت آنے والے اس گاٶں میں ایجوکیشن تو دور، آمد رفت کی بھی بہتر سہولت موجود نہیں ہے۔ دلچسپ بات یہ ہے کہ مقامی لوگوں نے گورنمنٹ کی جانب سے گاٶں میں اسکول کھولنے کی کوٸی پہل ہوتا نہ دیکھ کر خود ہی ایک پھونس کی جھونڑی بنا کر وہاں ایک اسکول کھول لیا ہے۔

مقامی باشندہ ستیندرکمار، دیپک رام، گڈو رام بتاتے ہیں کہ دیآواں گاٶں پوری طرح سے پہاڑ کے اوپر بسا ہوا ہے۔یہاں آمد رفت کی کوٸی سہولیات موجود نہیں ہے۔ گاٶں جانے کے لیے پہاڑ کے اوبڑ کھابڑ اور پتھریلے راستہ سے ہو کر گزرنا پڑتا ہے۔مقامی بچے چھ کیلو میٹر دور دوسرے گاٶں میں موجود اسکول نہیں پہنچ پاتے۔

دشواریوں کو دیکھتے ہوئے گاٶں والوں نے ایک پھوس کی جھونپڑی بنا کر ایک پراٸیوٹ اسکول کھول ڈالا۔ جس میں ایک استاد کو بھی بحال کیا گیا۔ جن کے ماہانہ کے ساتھ تمام تر اخراجات بھی گاٶں والے چندہ اکٹھا کر کے دیتے ہیں۔

مقامی لوگوں کو یہ امید ہے کہ' شائد ڈی ایم یا ایس پی کا دورہ اس گاٶں میں ہو اور یہاں بھی سرکاری سطح پر اسکول کھل جائے۔اور بچہ تعلیم حاصل کر ملک کا نام روشن کر سکیں۔