ارریہ: انٹرمیڈیٹ کے امتحانات شروع

ارریہ ضلع سے اس بار کل 18 ہزار 651 طلباء امتحان میں شریک ہو رہے ہیں جن میں آرٹس میں 13 ہزار 415، سائنس میں 41 سو، کامرس میں 1 ہزار ایک سو 36 طلباء و طالبات شامل ہیں، امتحان دو نشستوں میں لیا جا رہا ہے۔

پورے بہار سمیت آج سے ارریہ ضلع میں بھی بہار اسٹیٹ ایجوکیشن بورڈ کے تحت انٹرمیڈیٹ کا امتحان شروع ہو گیا ہے، یہ امتحان آئندہ 13 فروری تک چلے گا، امتحان کو لے کر ضلع انتظامیہ پوری طرح مستعد دکھائی دی، جگہ جگہ پولس اہلکار موجود رہے۔

اطلاع کے مطابق ارریہ میں کل 25 امتحان مراکز بنائے گئے ہیں، جن میں ارریہ سب ڈویژن میں 13 اور فاربس گنج سب ڈویژن میں 12 ہیں۔

ارریہ ضلع سے اس بار کل 18 ہزار 651 طلباء امتحان میں شریک ہو رہے ہیں جن میں آرٹس میں 13 ہزار 415، سائنس میں 41 سو، کامرس میں 1 ہزار ایک سو 36 طلباء و طالبات شامل ہیں، امتحان دو نشستوں میں لیا جا رہا ہے۔

تمام مراکز پرطلباء کے لئے پانی، بجلی سمیت دیگر سہولیات مہیا کرائی گئی ہے۔

آل شمس ملیہ انٹر کالج کے مجسٹریٹ محمد شوکت علی نے کہا کہ امتحان پرامن ماحول میں منعقد ہو رہا ہے، طلباء کے اندر جانے سے قبل خاتون پولس کے ذریعے پوری طرح سے جانچ ہو رہی ہے، پٹنہ سے بھی ایک ٹیم معائنہ کے لئے آئی تھی۔